Outra vez o leite

Disque os nosos gandeiros volven mobilizarse con máis forza e máis indignación, se é que lles queda. Os acordos non se cumpren e as administracións pásanse o problema e as responsabilidades unhas ás outras. Non falta de nada para axudar á banca e ás caixas para que fagan ben agora o que levan anos facendo mal, ou para axudarlles a vender coches aos que levan anos facendo ganancias millonarias, ou para darlles obra pública ás construtoras que se forraron a ladrillazos. Pero non hai para axudar un pouco aos gandeiros, asegurándolles os prezos para que pasen o baixón. E aínda hai quen di que é culpa deles, porque non son competitivos e non se adaptaron ben a Europa. antonlosada.blogspot.com