Disque Disque

Máis vale tarde

ANTÓN LOSADA

Disque o Goberno corrixiu o rumbo e Zapatero recibiu na Moncloa as familias do Alakrana. Disque os familiares optaron, prudentemente, por non falar para os medios. Disque o PP tamén optou por calar un pouco e non meter máis presión. Só algúns medios de Madrid se resisten aínda a recuperar a cordura e seguen utilizando o secuestro para axustar contas co Goberno, con Garzón ou con quen cadre ese día. A inmadurez irracional de botarse culpas uns a outros, na que nos estabamos instalando, deixa paso á comprensión da complexidade da situación e ao respecto ás regras básicas da negociación nun secuestro con reféns. Que sexa para ben.