As preguntas do "Alakrana"

Disque rematou o secuestro. Nin a alegría polas familias nin a prudencia deben evitar que, agora si, se fagan as preguntas debidas. A primeira é que clase de mal colectivo padecemos como país para acabar sendo xoguetes duns piratas con coñecementos de comunicación. A segunda é se a Xustiza é lenta ou depende do delincuente. A terceira é se todos os secuestros son iguais e se o correcto é non deter secuestradores porque trae problemas e hai que liberar como sexa os reféns. A cuarta é se seguirán tratando de resolver o problema de seguridade internacional da piratería armando os nosos barcos ou pola vía da cooperación entre estados.