Nace a fronte de Liberación do Grelo

A primeira estrela mediática independentista galega faise chamar Andrés Solo. Vostede pode velo e escoitalo a través de Youtube. Alí recibirá consellos de como facer a “loita antiespanholista” ou como limpar a boca tras falar castelán

PILAR POUSADA

Andres Solo nun de varios vídeos que ten colgados na rede FOTO: YOUTUBE

Un grelo na pantalla e unha voz profunda. Aí está o nacemento da Fronte de Liberación do Grelo. O grelo ten que soportar o "ataque de espinacas, porros, aloe veras ou cabaciñas nas tendas galegas", dinos unha voz que nos recorda a Félix Rodríguez de la Fuente. Estamos en Youtube (www.youtube.com) e acabamos de seleccionar un dos moitísimos vídeos protagonizados por Andrés Solo (andressolo, se vostedes senten curiosidade), ou ese é o nome que nos aparece en pantalla. Volvendo ó noso vídeo arredor da importancia do grelo, efectivamente, vemos o grelo desprazado do primeiro plano polas compañeiras verduras. Por esta razón, o nosa ‘estrela mediática’ chama a todos os grelos das leiras galegas ó "movemento clandestino". É máis, somos chamados a formar parte do Movemento de Liberación do Grelo.

O grelo parece ser unha das obsesións de Solo, pois volven aparecer como tema central doutro vídeo, ó que axeitadamente denominou ‘resistencia culinaria’. Desde a súa cociña, este ‘aleccionador’ mediático defende a "baloca", a "uva" e o pemento galegos fronte ós españois e alértanos dos ‘perigos’ do azucre "español". "Este sucre –asegura– está deseñado para descualificar o pobo galego, co obxectivo de disminuír as nosas forzas para o combate contra o Imperio español". Non obstante, continúa, "o máis importante son os grelos e as nabizas, que debían estar na nosa dieta de xeito diario, se non diario, un día si e outro non, un día grelos e outros nabizas". Todo isto porque os grelos teñen un fondo valor simibólico. "E nós que lles damos", enténdese que ós españois: "grelos".

Moitas son as explicacións que nos ofrece este independentista desde a pantalliña de vídeos de YouTube. E os temas son do máis variado. Tras a ‘artillería’ culinaria, atopamos outra xoia: a ‘hixiénica’. En ‘Galiza Limpa’, solo explicamos que o seu sobriño, "pobre rapaciño" foi canda el e confesou que "falara castelán!".

Para solucionar o ‘embrollo’, solo recomenda a todo a quel que se vira obrigado a rebaixarse, é dicir, a falar español "non é máis que unha vítima da sociedade española". Para combater o problema, Solo recomenda o seu sobriño e todo aquele que queira escoitalo, que hai que tomar "as medidas hixiénicas adecuadas". Isto non é máis que lavar ben dentes e linguas, "non vaia ser que quede algún resto" e cuspir sobre o lavabo. Esa é a única fórmula. Haberá que preguntarlle a Solo se funciona.