lidariedade

Xantar no Toñi Vicente en apoio do seu "prestixio"

Máis de cincuenta persoeiros do mundo da cultura, adegueiros, hostaleiros e amigos déronlle ánimos á cociñeira galega

REDACCIÓN E AXENCIAS . SANTIAGO

A cociñeira Toñi Vicente, entre algúns dos persoeiros que acudiron ó xantar organizado onte no seu restaurante, en Santiago FOTO: F.Blanco

Hostaleiros e adegueiros de Galicia, xunto con intelectuais e artistas e amigos e "amantes" da cociña, apoiaron onte cunha comida no restaurante de Toñi Vicente o "prestixio" da chef á que consideran que converteron en "cabeza de turco" coa detención e imputación dun delito contra a saúde pública pola suposta compra de vieiras contaminadas.

Ao redor dela, reuníronse no restaurante, situado no Ensanche de Santiago de Compostela, unhas 60 persoas entre as que se atopa o político Xosé Manuel Beiras que reivindicou o prestixio de Toñi Vicente e quen se definiu como "admirador" da "traxectoria exemplar" da cociñeira.

Toñi Vicente, que recibiu o aplauso dos comensais, asegurou ser "moi afortunada" por "ter estes grandes amigos", entre os que se atopaba o director de Pousadas de Compostela, coñecido como Otero, e o director do Gran Hotel, Manuel Rodríguez, entre outros hostaleiros e adegueiros. De feito, os apoios á cociñeira tamén chegaron do colectivo de hostaleiros galegos en Madrid e Barcelona. Estes últimos, con Moncho Neira á cabeza -propietario de 23 restaurantes da cadea Monchos-, aseguran que "o que se está facendo é unha inxustiza".

Nesta liña pronunciouse Xosé Manuel Beiras, quen opinou que non se pode converter a unha persoa en vítima expiatoria" cunha "agresión que pode acabar con decenios de anos de traballo". "De traballo contra vento e marea", apostilou.