 |
|
|||||
| ||||||
RSS
Política Galicia |
 |
| Avelino Pousa Antelo, galeguista histórico, tras recibir o premio Pedrón de Ouro |
Pousa Antelo di que, aínda que as siglas do partido que fundou Castelao nos anos trinta pertencen agora a esta nova formación, non representa o espírito do galeguismo clásico e non quere verse mesturado con ela. Nunha entrevista publicada recentemente por este xornal, Francisco López Franco Chesqui aseguraba que a súa xeración "recibíu a remuda de mans dos vellos galeguistas, como Avelino Pousa Antelo, Ramón Martínez López ou Manolo Beiras".
Segundo López Franco, o novo PG ten liña directa , co "partido da intelectualidade galeguista dos anos 30" e fai seu o espírito que levo a aquela formación a loitar pola aprobación do Estatuto de 1936, xa que xente como Xabier González ou el mesmo participaron na reactivación destas siglas tras a ditadura de Franco.
O coñecido divulgador da cultura galega afirma que el non lle deu autorización "ó ex-amigo Chesqui" para empregar o seu nome como parte da campaña electoral do novo Partido Galeguista, e asegura que quere verse fóra da política activa.
Pousa Antelo é drástico no seu rexeitamento: "Eles montaron a cousa á súa maneira, ben, pero a min non me gusta e non lles dou o meu apoio. A súa ambición de facerse cun trociño de poder persoal a calquera prezo choca co meu sentido da ética. Se teñen dereito a usar esas siglas, que sigan, pero que a min non me nomeen".
Engade, ademais, que lle desagrada o uso que están a facer dunhas "siglas sagradas", porque representan os primeiros pasos do moderno nacionalismo galego, e "non merecen ser usadas para gañar poder persoal". De todos os xeitos, o histórico galeguista non cre "que lles vaia saír ben", nin que acaden un volume de votos significativo nas vindeiras eleccións.
Un partido refundado sobre bases de independentes
A nova encarnación do PG xurdiu en novembro de 2004, das mans de Xabier González e Manoel Soto, pero a súa primeira cita electoral serán as eleccións municipais de maio de 2007, onde esperan presentar listas na metade dos concellos de Galicia (150, aproximadamente) e chegar a gobernar en varios deles, ademais de colocar algún deputado provincial.
O PG expandiuse, maioritariamente, incorporando ás súas filas pequenos partidos independentes que xa existían, o que motivou que outras formacións cuestionasen ata que punto os novos galeguistas tiñan un programa conxunto.
NO PASADO
Castelao, Risco é Bóveda, os nomes da formación histórica
O Partido Galeguista histórico naceu en decembro de 1931, durante a Segunda República Española, por iniciativa da maioría dos intelectuais nacionalistas da época. Nas súas filas integrábanse nomes de ideoloxías tan dispares como Castelao, Alexandre Bóveda, Vicente Risco ou Antón Villar Ponte.
Ó pouco da súa fundación, o PG comezou a negociar cos partidos republicanos de esquerda para conseguir a aprobación dun Estatuto de Autonomía para Galicia, apoiado polo seu semanario afín. A Nosa Terra. Participa en solitario nas eleccións municipais de 1933, con malos resultados, o que abre un debate interno sobre a conveniencia de aliarse con partidos non nacionalistas. O sector máis á dereita, liderado por Risco, rexeita esta posibilidade é o PG presentase ós comicios xerais sen apoios, pero non consegue ningún deputado. A CEDA chega ó goberno en Madrid, paraliza o Estatuto, e obriga a Castelao e Bóveda a exiliarse, acusándoos de estar implicados nas revoltas esquerdistas dese ano.
No 36, xa coa súa cúpula rehabilitada, o PG intégrase na Front Popular, unha coalición de esquerdas no eido estatal, para as vindeiras eleccións parlamentarias, o que provoca que Risco lidere unha escisión: a Dereita Galeguista. Castelao, Suárez Picallo e Vilar Ponte logran escanos en Madrid, e apoian o plebiscito a favor do Estatuto, pero a Guerra Civil impide a súa aprobación.
O PNG-PG, integrado no Bloque, loce o mesmo nome
En Galicia hai outro partido que recolle as siglas da formación política de Castelao, o Partido Nacionalista Galego-Partido Galeguista, integrado dende hai anos no BNG.
Tras a "hibernación" do Partido Galeguista refundado tras a ditadura de Franco, en 1991, varios dos membros situados máis á esquerda asociáronse co PNG unha das moitas formacións nacionalista minoritarias que florecían naquel parorama político, e o partido pasou a denominarse PNG-PG. Pouco tempo despois, esta formación entrou nas filas do BNG.
comentarios [ 11 ]
Partido Galeguísta
ESTOU FARTO DE TANTO FALAR E POUCO ACTUAR
AGORADI O MEXON QUE ADORA GALICIA E EU NON COÑEZO A NINGÚN GALEGO QUENON QUERA VOLVER PRA SUA TERRA AINDA QUE SEXA SUBILIDAO OU MORTO.
CANTA RIQUEZA PRODUCE A LECTURA E CANTA POBREZA A IGNORANCIA.
EN FIN ASI ESTAMOS ENA MENTRES CRITICAMOS ALGO QUE NON SABEMOS COMA VAI SER. SE LEVAMOS PERDIDOS TANTOS ANOS NON CREEDES QUE O RISCO(VICENTE) MERECE A PENA.
SAUDE IRMANS
Resposta o PPG de Ourense
Canta indignidade nos usurpadores das siglas do partido de Castelao. Menuda xentiña!. O pobo xa vos porá donde merescedes.
FRAUDE.
ADIANTE O P.G.
¡ O futuro e noso!. Eu teño 33 anos, e non me importa nada o que diga un Guru...
Que se vaia para a casa a dormir. E os do PP-Psoe-BNG, que se preparen que se acabou o decir sandeces e tonterias. Cidade da Cultura, antes en contra e agora a favor ¿por que este cambio do PSOE e BNG?, pois esta calro, agora chupan eles. Ahi que botalos fora e que Galicia renazca. Viva o PARTIDO GALIGUISTA DE CHESQUI. Con Collons¡¡¡
galicia necesita outra politica
Que vagoa
Galicia non pode ter organizacións de pandereta, para simple deleite e loubanza da historia, necesitamos de persoas e organizacións que den pasos firmes hacia o futuro, sin esquecer o pasado e aprendendo dos erros do pasado, pero sin que este sexa un lastre para a Galicia do futuro. A modernidade, a anovación das persoas e das ideas sempre e necesario, E VITAL para os proxectos políticos. Outra cousa ben distinta e faltarlle o ideario galeguista e dou fe que este non é o caso.
Os anos pasan e Avelino sempre se quixo adicar a loubanza das figuras do galeguismo, e iso está moi ben, e de admirar, é honrroso, nunca o criticarei por non haber sido, apesar de ter unha vagaxe intelectual e política propicia, unha das persoas que tiña que liderar o PG do futuro, foi a súa opción persoal e polo tanto e respetable, daí a recriminarlle a Xavier Gonzalez ou a Chesqui que deran un paso adiante e que fosen capaces de por en escea o vello PG pareceme desmesurado. ¿Ou acaso os nosos devanceiros non conformaron o PG a partires de varios partidos espallados pola Galicia de entonces e de persoas que non estaban vencelladas a partidos?
O dito, unha vagoa irmán Avelino.
Saude e Terra.
ASI LLE VAI A NOSA TERRA
¿A que intereses obedecen estas decraracions?
Na entrevista publicada o 19/11, Chesqui di textualmente algo absolutamente certo e que non precisa o placet de de Avelino Pousa porque está na historia; exactamente di: "O que nós estamos a ofrecer e un partido que foi a columna vertebral da intelectualidade galeguista nos anos 30, e recollemos aquel testemuño de mans de xente como Ramón Martínez López, Manolo Beiras -pai de Xosé Manuel Beira- ou Valentín Paz Andrade".
¿Cal é o aldraxe para con Pousa Antelo que hai nestas verbas?, ¿onde está a utilización do seu nome?; hai que ser serios e non andar a procura de titulares porque unha cousa é a información e outra moi distinta a intoxicación.
Avelino Pousa ten os méritos que ten e a traxectoria que foi facendo no día a día da súa vida; ninguén os discute porque non son cuestion tan importante como para entrar en debate. Pero non menos certo é que o P.G. fai décadas, concretamente no ano 1.986 e sendo Presidente D. Ramón Martínez López e Secretario Xeral Manuel Suárez, que prescindiu de Avelino Pousa Antelo por decisión da dirección do Partido Galeguista e non porque Pousa Antelo se fora por propia vontade; e, a día de hoxe non hai nin un só dato que indique que alguén o bota de menos no Partido Galeguista.
Como Galeguistas non temos interese algún en entrar en polémicas absurdas, nin en que ninguén se faga publicidade ou agradeza favores ou medallas a conta de facer decraracións contra nós. Desexamoslle o mellor a Avelino Pousa, do mesmo xeito que rotundamente queremos deixar constancia de que non temos intención nin interese algún en recuperar para o noso presente un pasado do que decidimos prescindir xa fai vinte anos. Pregamos, eso si, rigor na información e que cando as cousas nin son certas nin exactas se diga que non o son porque as hemerotecas poñen facilmente a cada quen no seu sitio e non deixa de ser unha mágoa ver como un home como Avelino se trabuca e queda en entredito por culpa de que, a hora de face-la entrevista ou recoller as decraracións, ninguén lle informa da realidade.
Saúde e Terra
Partido Galeguista
Agrupación de Ourense
¿De verdade pensa este home que alguén que non sexa o Bloque pode aproveitar a súa imaxe?
Os seus asesores de imaxe deberían aconsellarlle que teña máis coidado para que non se note tanto que estas declaracións pagan favores e medallas. En fin, un vello dinosauro que despotrica porque hai un P.G. vivo e puxante que nin o quere nin precisa de íl.
Indecentes aproveitados
Algúns deses "pequenos partidos independentes" son para ver. Partidos de dereita, ultraconservadores que non saben nin quen foi Castelao, ou Bóveda, ou Villar Ponte, ou quen é Pousa Antelo... Son uns demagóxicos que só buscan medrar, ese partido non ten unha ideoloxía clara.
Sempre Partido Galeguista do 31!!! Non a "sotadas", "chesquiadas" e demais.
Escribe tu comentario
www.elcorregallego.es no se hace responsable de las opiniones de los lectores
y eliminará los comentarios considerados ofensivos o que vulneren la legalidad.
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade
Tódolos dereitos reservados. Prohibida a
reproducción total ou parcial do contido sen a
expresa autorización do propietario.
