Rei Ballesteros e Carlos Fernández gañan o "Ánxel Fole"

O Premio Ánxel Fole, que convocan conxuntamente El Progreso e a Fundación Caixa Galicia, foi concedido onte ao traballo Urda e mundo. Un ensaio sobre Rof Carballo de Carlos Fernández Fernández e Anxo Rei Ballesteros. O director xeral de El Progreso e voceiro do xurado, José de Cora, explicou que Carlos Fernández gañara xa o galardón coa obra O pensamento epocal en Celestino Fernández de la Vega. Do seu labor con Rei Ballesteros, De Cora sinalou en nome do xurado -que estivo tamén composto por Benigno Fausto Galdo, Francisco José Vidal Pardo e, en nome de Caixa Galicia, Sinesio Pérez-, que "o traballo achega consideracións novidosas sobre Rof Carballo e sobre a súa teoría da urda, da urdimbre en castelán". Unha segunda liña que interesou aos avaliadores foi "que coloca a Rof Carballo no ámbito do galeguismo, coas súas relacións con Otero Pedrayo e Risco. A convo catoria do vindeiro ano está dedicada á Purificación de Cora y Mas-Villafuerte, fundador de El Progreso, que cumpre cen anos no 2008.