Xoán Xosé Fernández Abella

Aguilloada primeira

A Jano Leis para que cambie de táctica, se ese milagre fose posíbel.

Pepeano Jano Leis:

non sabes ser derrotado;

e andas, dun lado a outro lado,

con xeitos do máis infieis,

queréndoos pasar por fieis.

Que ben se che ve o plumeiro

de ser, non sendo, o primeiro

alcalde da oposición!

Sigue coa túa obstinación

e faraste derradeiro.

Aguilloada segunda

Para o Partido Popular, namoradísimo do poder.

Ou!, Partido Popular;

en verdade, milagreiro:

despeléxanse primeiro,

despois quérense a rabiar.

E iso nunca vai cambiar,

pois que o que importa é o poder

para ao mandiño acceder.

-E a verdade? -Que tolemia!

Hai no PP unha epidemia:

Que dividirse é perder.