curioso

Despedida unha presentadora por conducir un espazo en laSexta ebria

Os momentos "estelares" na rede

. P.D

A produtora holandesa 3 Circis Media despediu unha das presentadoras de Juego TV, un concurso de chamadas telefónicas que laSexta emite en directo en horario nocturno.

O espazo, que se grava directamente desde os Países Baixos, é presentado por catro mulleres, unha das cales, a española Diana Alonso, foi despedida recentemente por petición da cadea, tras considerar que Alonso conducía o formato nun notable estado de embriaguez. Algúns deses momentos "estelares" foron colgados en internet no portal youtub.com.

Tras revisar os vídeos en que a presentadora española animaba o concurso presuntamente ebria, laSexta púxose en contacto directamente coa produtora para solicitar o despedimento automático da moza, petición que se fixo efectiva ó pouco tempo da chamada da canle.

Juego TV é un programa que se produce e grava nos Países Baixos e que se distribúe en directo para varios países. O formato en cuestión nútrese dunha serie de concursos telefónicos -sopa de letras, ABC, a palabra perdida- e os concursantes poden gañar ata en 5.000 euros.

O programa, que laSexta emite na súa programación de 2.30 a 4.30 horas, era ata agora presentado por catro mozas de nacionalidade holandesa -Eva Donker-, colombiana -Ingrid Carolina Ríos- e venezolana -Jairam Navas-, ademais da propia Alonso.